LIMO TANDO URANG TU LAI BARADAT1. Inyo kecek an bana ka urang banyak, bahaso inyo lah lamo di rantau, sajak ketek. Jadi indak tahu bana inyo lai jo adat kampuangnyo.
2. Inyo kecek an bana ka urang nan sadang duduak manunggu nasi tahidang, bahaso inyo indak mangarati bana sopan santun dek karano indak panah baraja adat sajak ketek, dek karano tu inyo makan sajo dulu.
3. Inyo kecek an bana ka bininyo, bahaso di dalam adaik ko urang sumando adolah abu di ateh tunggua. Dek karano tu, abu buliah tabang kama ka pai kalau ado angin bakisa. Tapaso mamak rumahnyo manunggu duo hari duo malam dek karano mamak rumahnyo dijanjian dapek proyek.
4. Inyo kecek an bana ka kamanakannyo bahaso anak dipangku kamanakan dibimbiang. Dek karano kamanakannyo tu kini alah gadang, jadi indak paralu bana dibimbiang lai.
5. Nyo kecek bana ka kamanakannyo tu, bahaso urang nan dibimbiang ado tigo. Partamo urang indak talok tagak bajalan lai. Kaduo, urang baru diantak oto truk, patah kakinyo sabalah. Katigo, adolah urang nak balagak-lagak buto dek karano mintak sidakah. Kamanakan kalau lah pandai bajalan indak paralu dibimbiang lai.
PASAL URANG TAK BARADAT
1. Awak se nan malaguan lagu Barat, urang barat tu sendiri indak panah malaguan lagu awak doh. Apo mukasuik. Nak jadi agen kaset lagu-lagu barat?
2. Lah jaleh jalan sampik, oto baparkir indak karuan. Lah taniayo urang nan takaja pulang. Nak mampalagak an bahaso awak indak tahu jo aturan?
3. Lah jaleh dalam baralek tu banyak urang gaek, pangulu, ustad, ulama, mintuo, ipa bisan. Samo-samo saliang sagan manyagani. Kutiko saroman tu artis-artis mingguan nan tambangannyo dari baralek ka baralek malagu bagoyang-bagoyang, mamakai baju jo sarawa tak karuan. Tampak pulo tatonyo di pusek.
4. Undangan baralek lah datang pukua sapuluah. Pukua sapuluah tu pulo urang katering baru datang. Padohal lah dibaia sabalunnyo. Apo mukasuik? Minta tambah baie? Atau indak maharagoi tamu nan datang?
5. Kutiko makan baralek, nyo ambiak nasi jo samba banyak-banyak. Lah panuah piriang nasi nyo tu bantuak piriang patambuhan, tapi indak nyo abihan. Mubazir. Akok namonyo dulu.
6. Anak gadih pai baralek jo mandenyo. Pakai sarawa sampik, baju sampik, indak basalendang, samantaro mandenyo pakai kain saruang, basalendang duo, bajilbab pulo lai.
7. Lah jaleh urang baralek di tampek nan ketek, sampik, tu babunian pulo orgen tunggal sakareh-karehnyo sarupo urang main band di tangah lapang. Apo mukasuik? Supayo urang nan pai baralek tu capek pakak talingonyo? Nak mampakayo dotor talingo awak?
8. Undangan baralek lah banyak nan tibo. Kutiko sadang banyak tu pulo urang tukang mic mamasang-masang kabel, mantes-tes mic. Lah pakak talingo urang sabalik. Nak mampacaliakan awak nan paliang sibuk?
9. Lah jaleh urang pai baralek pakai sipatu kasadonyo. Tu, anak tari galombang nan rancak-rancak tu mananti tamu tak batarompa sorang alah juo. Nak mintak dibalian sipatu ka urang nan datang? Mariangik namonyo dulu tumah.
10. Amplop ciek nyo, tipih pulo tu amplopnyo. Tapi nan datang sagondoang pai baralek. Apo mukasuik? Nak makan perai tangah hari?
1. Awak se nan malaguan lagu Barat, urang barat tu sendiri indak panah malaguan lagu awak doh. Apo mukasuik. Nak jadi agen kaset lagu-lagu barat?
2. Lah jaleh jalan sampik, oto baparkir indak karuan. Lah taniayo urang nan takaja pulang. Nak mampalagak an bahaso awak indak tahu jo aturan?
3. Lah jaleh dalam baralek tu banyak urang gaek, pangulu, ustad, ulama, mintuo, ipa bisan. Samo-samo saliang sagan manyagani. Kutiko saroman tu artis-artis mingguan nan tambangannyo dari baralek ka baralek malagu bagoyang-bagoyang, mamakai baju jo sarawa tak karuan. Tampak pulo tatonyo di pusek.
4. Undangan baralek lah datang pukua sapuluah. Pukua sapuluah tu pulo urang katering baru datang. Padohal lah dibaia sabalunnyo. Apo mukasuik? Minta tambah baie? Atau indak maharagoi tamu nan datang?
5. Kutiko makan baralek, nyo ambiak nasi jo samba banyak-banyak. Lah panuah piriang nasi nyo tu bantuak piriang patambuhan, tapi indak nyo abihan. Mubazir. Akok namonyo dulu.
6. Anak gadih pai baralek jo mandenyo. Pakai sarawa sampik, baju sampik, indak basalendang, samantaro mandenyo pakai kain saruang, basalendang duo, bajilbab pulo lai.
7. Lah jaleh urang baralek di tampek nan ketek, sampik, tu babunian pulo orgen tunggal sakareh-karehnyo sarupo urang main band di tangah lapang. Apo mukasuik? Supayo urang nan pai baralek tu capek pakak talingonyo? Nak mampakayo dotor talingo awak?
8. Undangan baralek lah banyak nan tibo. Kutiko sadang banyak tu pulo urang tukang mic mamasang-masang kabel, mantes-tes mic. Lah pakak talingo urang sabalik. Nak mampacaliakan awak nan paliang sibuk?
9. Lah jaleh urang pai baralek pakai sipatu kasadonyo. Tu, anak tari galombang nan rancak-rancak tu mananti tamu tak batarompa sorang alah juo. Nak mintak dibalian sipatu ka urang nan datang? Mariangik namonyo dulu tumah.
10. Amplop ciek nyo, tipih pulo tu amplopnyo. Tapi nan datang sagondoang pai baralek. Apo mukasuik? Nak makan perai tangah hari?
source, Uknown.
0 komentar:
Post a Comment